Tag Archives: pagkain

Ang sabi ng kaibigan ko

nung inendorse niya ang isang masarap na pagkain sa akin: “Ito kuya tikman mo, sobrang sarap hihingalin ka.”

Leave a comment

Filed under Uncategorized

Mabaho pero Masarap

Easy lang girls, hindi ako ‘yan. Hindi lang ako ang nilalang na nagtataglay ng ganyang klaseng kapangyarihan. Meron ding mga mas mababang uri ng nilalang na may katangi-tanging amoy, pero ang lakas ng hatak. Ito ang mga bagay na mahirap intindihin, kasi kahit mga theoretical physicists iniiwasan nila ang nasabing realidad dahil alam nila di kaya ng utak nila at pang-amoy ang pag-aaral sa mga katotohanang mabaho pero masarap.

Isa na dito ang katotohanan tungkol sa bagoong balayan at ginamos. Hindi naman lahat ng bagoong nakasisindak ang amoy. Naalala ko yung bagoong sa Barrio Fiesta hindi naman skandaloso ang amoy. Naalala ko tuloy, kapag walang ulam sa bahay yun ang ultimate pantawid gutom, lalo na kapag ginisa. Pero yung balayan tsaka ginamos minsan parang putik ang pagkakagawa tsaka gumuguhit yung amoy sa ilong pero, milagro, maraming nababaliw dyan. Sa pananaliksik ko, ang ginagawa ng ilan pinipigaan ng kalamansi ang bagoong, siguro half-half ang proportion, at presto, sawsawan na. Nakatikim na ako n’yan. Verdict: mabaho pero masarap.

Ang susunod ay ang katotohanan tungkol sa buro. Sa mga Kapampangan ko lang ito na-diskubre. Kapag ito inihain sa hapag kainan hindi mo maiwawaksi ang katotohanan n’yan. Mahirap intindihin ang katotohanan ng buro, pero and’yan na ‘yan eh, at may kumakain. Pero sabi ng ilan pwede naman daw lutuin. Ngunit para sa mga caballero nating mga kababayan na kumakain ng buro, as is, magigiting kayo. Nakatikim na ako. Verdict: hindi talaga kaya.

Kasama na sa listahan ang durian. Iba talaga ang amoy nito. Hirap ipaliwanang. Basta may softdrinks at wala kang high blood – verdict: mabaho pero masarap.

Marami pa tayong kinagisnang pagkain na may pambihirang amoy. Pero sa listahan natin ngayon, hihinto muna tayo sa tinapa. May konti lang akong reservations kasi maraming nababahuan sa tinapa, pero sa inyong abang lingkod mabango para sa akin ang tinapa. Siguro kasi kapag mahal mo tanggap mo e. Para sa akin mas katanggap tanggap na sasabihan mo yung babae ng, “Miss amoy tinapa ka ah,” kaysa, “Miss amoy bawang ka,” o kaya, “Miss amoy sibuyas ka.” Di ba mas sosyal yung tinapa? Anyway kanya kanya tayong panlasa e. Kaya kahit mabango para sa akin ang tinapa, isinama ko na sa listahan ng “mabaho pero masarap.”

Sana may natutunan kayo sa blog na ito. Alam ko marami pang pagkain ang maililista ninyo. Ipagbigay alam na lang ninyo sa ating mga kababayan. At sa susunod na umagahan, tanghalian o hapunan magbigay pugay tayo sa mga pagkaing sariling atin at sabihin, “Ang baho nito ah, sigurado masarap.”

Leave a comment

Filed under Uncategorized

Batchoy

Kapag nasa Negros ka o kaya sa Iloilo kailangan mo kumain ng batchoy. At sa aking paghahanap ito ang mga natagpuan ko.

Super Batchoy 1.jpg

Sa Bacolod sakay ng Bata. Yung ruta ng jeep ha, baka kung ano masakyan mo makulong ka pa. Dadaan yan sa Locsin st. Tanong-tanong ka na lang dun kung saan ang Super Batchoy.  

Super Batchoy 4.jpg

Yan ang Super Batchoy House. Sobrang busy n’yan di nawawalan ng tao. 

Super Batchoy 2.jpg

Yan ang regular batchoy nila. Madami na yan. Tapos samahan mo ng tinapay. Ok ‘to masarap talaga, tsaka yung beef strips talagang nangunguya mo. 

Super Batchoy 3

Ang regular batchoy nila ay 48 pesos. Tingnan mo ang presyo sa dingding para sa ibang orders. May softdrinks ako, dalawang tinapay at batchoy, hindi umabot ng Php 100.00 ang binayaran ko.

Molo Convento.jpg

Next stop sa Molo. Dumaan ka muna sa church at isama ako sa dasal. Tsaka kapag nariyan ka madali na lang hanapin ang Pid Al. 

Molo Batchoy Pid Al.jpg

Ang Pid Al ay pangalan ng kainan. At ito yun. Cozy ang lugar lalo na kasi katapos lang ng tanghalian. 

Molo Batchoy.jpg

Dahil nasa Molo town ako, umorder ako ng Molo soup. Pero sabi sa akin batchoy lang daw meron sila. Kaya umorder ako ng batchoy. Specialty din nila native coffee, yun yung tasang nasa likod ng bowl. Brewed coffee yan at masarap sa halagang Php 16.00! Mukhang tinataga tayo ng coffee shops dito sa Manila. Masarap din batchoy nila at madami din ang serving. Wala pang Php 100.00 ang binayaran ko.

Mga lugar ‘yan na natsambahan ko lang talaga. Kasi kahit gutom na ako sabi ko di talaga ako kakain sa fastfood. Kaya ako napadpad sa mga lugar na yan. Kumain din ako ng batchoy sa Guimbal kaso naubos na battery cellphone ko, kaya di ko nakunan ng larawan. Iba din ang timpla ng batchoy dun. Di na ako nakapunta sa La Paz kahit malapit lang kasi kulang sa oras e.

Walang katulad kapag kumain ka ng batchoy sa mga lugar na ito. Yung bayan, tao, pagkain at presyo kailangan mo talagang ma-experience.

Leave a comment

Filed under Uncategorized