Kapag nasa Negros ka o kaya sa Iloilo kailangan mo kumain ng batchoy. At sa aking paghahanap ito ang mga natagpuan ko.
Sa Bacolod sakay ng Bata. Yung ruta ng jeep ha, baka kung ano masakyan mo makulong ka pa. Dadaan yan sa Locsin st. Tanong-tanong ka na lang dun kung saan ang Super Batchoy.
Yan ang Super Batchoy House. Sobrang busy n’yan di nawawalan ng tao.
Yan ang regular batchoy nila. Madami na yan. Tapos samahan mo ng tinapay. Ok ‘to masarap talaga, tsaka yung beef strips talagang nangunguya mo.
Ang regular batchoy nila ay 48 pesos. Tingnan mo ang presyo sa dingding para sa ibang orders. May softdrinks ako, dalawang tinapay at batchoy, hindi umabot ng Php 100.00 ang binayaran ko.
Next stop sa Molo. Dumaan ka muna sa church at isama ako sa dasal. Tsaka kapag nariyan ka madali na lang hanapin ang Pid Al.
Ang Pid Al ay pangalan ng kainan. At ito yun. Cozy ang lugar lalo na kasi katapos lang ng tanghalian.
Dahil nasa Molo town ako, umorder ako ng Molo soup. Pero sabi sa akin batchoy lang daw meron sila. Kaya umorder ako ng batchoy. Specialty din nila native coffee, yun yung tasang nasa likod ng bowl. Brewed coffee yan at masarap sa halagang Php 16.00! Mukhang tinataga tayo ng coffee shops dito sa Manila. Masarap din batchoy nila at madami din ang serving. Wala pang Php 100.00 ang binayaran ko.
Mga lugar ‘yan na natsambahan ko lang talaga. Kasi kahit gutom na ako sabi ko di talaga ako kakain sa fastfood. Kaya ako napadpad sa mga lugar na yan. Kumain din ako ng batchoy sa Guimbal kaso naubos na battery cellphone ko, kaya di ko nakunan ng larawan. Iba din ang timpla ng batchoy dun. Di na ako nakapunta sa La Paz kahit malapit lang kasi kulang sa oras e.
Walang katulad kapag kumain ka ng batchoy sa mga lugar na ito. Yung bayan, tao, pagkain at presyo kailangan mo talagang ma-experience.
sampalocmanila 