Tayo na sa Antipolo

antipolo

Hindi ito yung Antipolo na na nasa kantang “Tayo na sa Antipolo, at doon maligo tayo…” Ang tinutukoy natin ay ang Antipolo street na malapit sa riles ng tren sa Sampaloc, Manila. Ilang taon na ang nakararaan, sa may kanto ng Antipolo street at Dapitan merong istatwa ng Sacred Heart of Jesus. Ganun din, sa pagkakaalam ko may istatwa din ni Hesus (o Mama Mary) sa kanto ng Espana Blvd. at riles ng tren. 1980s o 70s pa ata, andun na yun. Kaya kapag nag-sign of the cross na yung matatanda sa loob ng jeep, alam mo kung nasaan ka na, malapit ka ng tumawid sa riles ng tren. Hanggang ngayon meron pa ding nagsa-sign of the cross kahit wala na yung dalawang religious statues. At dun ko nalalaman kung matagal na silang nakatira sa gawing Sampaloc na iyon.

Noong bata pa kami, naghuhulog kami ng sulat sa satellite office ng Post Office sa Laong-Laan street. Sa Antipolo kami dumadaan. Naalala ko nung minsang naghulog ako ng sulat, nagdalawang isip ako kung didilaan ko ba yung sobre at selyo (stamp). Kasi sa classroom nung tinuruan kami paano maghulog ng sulat, halos lahat kami sa klase dinilaan yung sobre para isarado. E, sa post office, parang awkward naman gawin kasi baka isipin nila kumakain ako ng sobre. At saka wala akong nakitang matanda na dinidilaan ang sobre at selyo. Kaya kunyari may kinakalikot ako sa sobre habang iniintay ko kung anong estilo ang ginagawa ng mga beterano sa post office pagdating sa pagsarado ang sobre at pagdikit ng selyo. Buti naman at may dumating na matandang maghuhulog ng sulat.

Di ko agad nabigyan ng pansin ang isang lalagyan ng spongha (sponge) sa isang maliit na lamesa. Sobrang dumi kasi tingnan nung lalagyan kaya di ko alam kung para saan yun. Isinawsaw ng matanda ang daliri niya sa basang spongha at yun ang pinahid niya sa sobre at sa likod ng selyo. At yun ginawa ko. Kasi may kasabihan tayo, kung ano ang ginawa ng matatanda ginagaya ng mga bata. Bow.

At yun yung naalala ko sa Antipolo street, bukod sa mga paminsan-minsang riot sa may riles ng tren. Noon yun, ngayon tahimik na sa Antipolo. Kaya tayo na sa Antipolo.

Advertisements

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s